जुनसुकैको कम्प्युटरमा कनेक्ट भएको Wifi password कसरी थाहा पाउने ?

Wi-Fi को बारेमा सायद तपाईलाई केही भनिरहनु पर्दैन होला किनकी आजकाल घर, चोक, साइबर, अफिस, होटल, रेस्टुरेन्ट, हाइवे, हुँदाहुँदै सार्वजनिक यातायातको साधनमा समेत राखिएको हुन्छ । रेडियो तरङ्गबाट कम्प्युटर र स्मार्टफोनमा बिना तार निश्चित दुरीभित्र द्रुत गतिमा इन्टरनेट चलाउन यसको प्रयोग हुन्छ ।
जति मात्रामा Wi-Fi को बिस्तार भइरहेको देख्नुभएको छ, त्यो भन्दा कयौं वाईफाई क्रेजी मान्छेहरूलाई पनि देख्नुभएको होला । सायद तपाईं पनि त्यो सुचीमा पर्नुहोला, त्यस्तै म पनि अवस्य पर्छु नै । बिना पैसा हाइस्पिड नेट चलाउन पाउने भएपछि तपाईं र म मात्र हैन जो कोही वाईफाई क्रेजी अवस्य हुन्छ नै । तर छ्यापछ्याप्ती जहाँतही वाइफाई भएर पनि त्यसमा चाबि लाएको देख्दा तपाईँको दिमाग अवस्य नै तातेको हुनुपर्छ । छिमेकीको धरमा वाइफाई हुन्छ तर भोटे ताल्चा झुन्डिएको हुन्छ अर्थात strong password लगाएको हुन्छ । तपाईंलाई उक्त ताल्चा कति फोर्न मन लागेको होला अर्थात ह्याक गर्न मन लागेको होला । तर भोटे ताल्चालाई हातले फोर्न गाह्रो हैन असम्भव नै छ ।
वाईफाई भएको छिमेकी, साथी र तथा वाईफाई मालिक पनि यति सम्म लोभी हुन्छन् कि पासवर्ड माग्यो भने तपाईलाई - ल एकछिन चलाउ पासवर्ड दिन मिल्दैनँ भने कति पटक त्यसै टारेको होला । त्यसै त स्लो नेट त्यसमाथी महंगो तपाईंलाई वाईफाई पासवर्ड माग्दा झन् ल्यापटप नै टकारिदिँदा रिस अवस्य उठेको होला । यतिसम्म कि आफ्नै साथीले पनि डिभाइसमा वाईफाई नेट त कनेक्ट गर्दिन्छ तर पासवर्ड प्राय फुत्काउँदैन । तपाईंले उनीहरुको वाईफाई ह्याक गर्न भनेर जोसिँदै सयौं एप्लिकेसन तथा सफ्टवेयर डाउनलोड गरेर तथा कयौं ट्रिक्स पढेर ह्याक गर्न प्रयास गर्नुभएको होला र हिस्स नपरेको दिन सायद छैन होला ।
आजको दिनसम्म वाईफाई ह्याक गर्ने सफ्टवेर हामी जस्ता सर्वसाधारणको पहुँचमा आइपुगिसकेको छैन । यदि कसैले ब्लग तथा वेवसाइटमा यस्ता ट्रिक्सहरु लेखेको छ भने त्यो सबै फेक हुन्छ । ठोकुवा गरेर भन्न सकिन्छ कि ट्रिक्स लेख्नेले पनि ह्याक गर्न वास्तबमै जानेको हुँदैन । हचुवाको भरमा फलानो सफ्टवेर डाउनलोड गरेर, यस्तो यस्तो कदम चालेमा वाईफाई पासवर्ड पाइन्छ भनेर तपाईंको दिमाग कयौंपटक चाटिसकेको होला यदि तपाईंमा पनि यस्तो भ्रम छ भने आजैबाट हटाउनुहोस् । त्यसो त ह्याक गर्न असम्भव छ भन्न खोजेको हैन । कोरियामा बसेर अमेरिकाको बैक लुट्ने ह्याकर पनि छन् मात्र यतिमा चित्त बुझाउनुस् कि हामीमा त्यो क्षमता छैन ।
तर तपाईंलाई कसैले कम्प्युटर तथा ल्यापटपमा वाईफाई पासवर्ड तपाइँलाई कनेक्ट गरिदियो भने ढुक्क हुनुहोस् अब तपाईं उसको वाईफाई ह्याक गरेर अर्को डिफाइस (स्मार्टफोन, ट्याब र ल्यापटप) मा चलाउन सक्नुहुनेछ । तर कसरी तपाईँलाई खुलदिली भएको होला । अथवा तपाईं आफैले कुनै वाईफाई नेट्वर्क आफ्नो डिभाइसमा जोडेर चलाउनुभएको थियो तर अहिले स्मार्टफोन तथा अर्को डिभाइसमा वाइफाई कनेक्ट गर्न खोज्दा पासवर्ड बिर्सिएर हैरान हुनुभयो भने यो ट्रिक्स अती उपयोगी हुन्छ ।
अब वाईफाई ह्याक गर्नको लागि तयार हुनुहोस् :

तपाईंको डिभाइसमा वाइफाई कनेक्ट भइरहेको अवस्थामै पासवर्ड थाहा पाउनको लागी :
१. वाइफाई कनेक्ट भएको कम्प्युटर लिनुहोस् ।
२. Network Icon मा क्लिक गर्नुहोस् । तपाईले वाइफाई कनेल्ट भएको र अन्य नेटवर्क नेटवर्कहरु देख्नुहुन्छ ।
३. कनेक्ट भएको नेटवर्कमा Right click गरेर Properties option मा क्लिक गर्नुहोस् ।
४. अब तपाईँले कनेक्टि भइरहेको वाईफाई नेटवर्कको : Security type, Encryption type, Network security key मेनु देख्नुहुन्छ । जसमध्ये Network security key भित्र लुकेको password (*******) देख्नुहुनेछ ।
5. अब Show character अप्सनमा क्लिक गरेपछि तपाईँले वाइफाई पासवर्ड पाउनुहुनेछ ।
* यदि तपाईंको डिभाइसमा वाईफाई कनेक्टिङ भइरहेको छैन तर पहिला कनेक्ट भएको थियो भने :
१.  Network Icon मा क्लिक गर्नुहोस् । तपाईले वाइफाई कनेल्ट भएको र अन्य नेटवर्क नेटवर्कहरु देख्नुहुन्छ । । सबभन्दा तल भएको Open Network and Sharing Center लेखिएको मेनुमा क्लिक गर्नुहोस् ।
२. अब तपाईं Control Panel Home मा पुग्नुहुन्छ । त्यसपछि Manage wireless networks भन्ने मेनुमा क्लिक गर्नुहोस् । अब पासवर्ड ह्याक गर्न खोज्नुभएको चाहिँ नेटवर्कमा Right click गरेर Properties option मा क्लिक गर्नुहोस् ।
३. अब पासवर्ड ह्याक गर्न खोज्नुभएको चाहिँ नेटवर्कमा Right click गरेर Properties option मा क्लिक गर्नुहोस् । Security भन्नेचाहीँ मेनुमा क्लिक गरेपछि वाईफाई नेटवर्कको : Security type, Encryption type, Network security key मेनु देख्नुहुन्छ । जसमध्ये Network security key भित्र लुकेको password (*******) देख्नुहुनेछ । अब Show character अप्सनमा क्लिक गरेपछि तपाईँले वाइफाई पासवर्ड पाउनुहुनेछ ।
कृपया कसैको धनजनमा क्षति हुने खालको कुनै काम नगर्नुहोला !!!

Popular posts from this blog

मुनामदन - लक्ष्मीप्रसाद देबकोटा

Recent Post Gadget by Specific Label | Blogger Widget

Download 28 Collection Karaoke of Nepali Folk Song : Lok Geet Music Track