Saturday, August 08, 2015

मैले सीधा बोल्दा पनि : मुक्तक

मैले सीधा बोल्दा पनि गलत अर्थ लगाउँछन्,
कपास जस्तै कोमल बनूँ हुरि बनि उडाउँछन् ।
खै किन मानिसहरु हिउँ जस्तै चिसा हुन्छन्,
बाटो देखाउँ भनेपनि आफैंलाई जाल बुन्छन् ।

साथी बन्छ दुई दिनलाई चोट दिन्छ बषौंलाई,
हावाजस्तै बिलाई दिन्छन् नछुट्ने कसम खाई ।
खै किन मानिसहरु चट्टान जस्तै कडा हुन्छन,
कतै अघि बढौँ भनें बाधा बनि खडा हुन्छन् ।

Thursday, August 06, 2015

अचम्मै पापीहरुकै हालीमुहाली छ यहाँ : गजल

अचम्मै ! पापीहरुकै हालीमुहाली छ यहाँ,
मार्न सके मार, हत्यारालाई ताली छ यहाँ ।

अल्छि र ठगहरुलाई छ भ्याई नभ्याई,
परीश्रमीहरुको हात खाली छ यहाँ ।

बाँच्न कठीन साधु, सन्त र ज्ञानिहरुलाई,
अधर्मीहरुलाई ओतलाग्ने पालि छ यहाँ ।

विगार, भत्काउ कोही केही वोल्दैनन,
सुकर्म गर ! जताततै, मात्र गाली छ यहाँ ।

भ्रष्ट वन भगवान नै भइन्छ यो देशमा,
निमुखाको मुखमा फलामे फाली छ यहाँ ।

Tuesday, August 04, 2015

अनमोल छन् तिम्रा आँशु : गजल

======== गजल =========

अनमोल छन् तिम्रा आँसू नझार न प्रिया,
मेरो निम्ती उसलाई दुःखी नपार न प्रिया ।
मैले भन्दा धेरै माया उसले गर्छ तिमीलाई,
उसलाई छोडी त्यो मन यता नसार न प्रिया ।

हेर त उ तिम्रो नाममा अझै आँसू झार्दै रै'छ,
सुरिलो त्यो उसको बचन नटार न प्रिया ।
तिमीसँग छुटेपनी मलाई कुनै अपसोच छैन,
तर उसको प्रेमको मुना नमार न प्रिया ।

कित ऊ, कित म एउटा टाढा जानैपर्छ आखिर,
निःस्वार्थ प्रेमको नाता टाढा नपार न प्रिया ।
अनमोल छन् तिम्रा आँसू नझार न प्रिया,
मेरो निम्ती उसलाई दुःखी नपार न प्रिया ।

Monday, August 03, 2015

जिमेलबाट sent भइसकेको email कसरी undo वा निश्चित समयावधिमा सच्याउने अथवा रद्द गर्ने ?

सूचना आदान–प्रदानका लागि कुनै जमानामा कटुवाल प्रथा, हाते चिठ्ठी, गाउँघरमा, परेवाको प्रयोग, आकाशवाणी, हुँदै अहिले इमेलको प्रयोग आधुनिक जीवनको हिस्सा नै बनेको छ । तर, यसको प्रयोग गर्दा कहिलेकाहीँ हैरानीमा पनि परिन्छ । झुक्किएर डकुमेन्ट गलत आइडीमा सेन्ड भइदिन्छ या आइडी सही हुँदाहुँदै पनि अर्कै फाइल परिदिनसमेत सक्छ । तर अब भने यस्तो समस्याबाट जिमेल प्रयोगकर्तालाई केही राहत मिल्ने भएको छ । गुगलले इमेल 'undo sent' अर्थात् पठाएको डकुमेन्ट फिर्ता गर्ने सिस्टम सार्वजनिक गरिदिएको छ । तर, इमेल सेन्ड गर्दा भएको गल्ती तुरुन्त सच्याउनुपर्ने हुन्छ । यसका लागि तल हेर्नुहोस के के गर्ने :

१. आफ्नो जिमेल लगइन गरिसकेपछि सबैभन्दा माथि दायाँपट्टि रहेको पांग्राजस्तो देखिने आइकनमा क्लिक गर्नुहोस् । त्यहाँ तपाईंले पाउने केही विकल्पमध्ये सेटिङ मेनुमा जानुहोस् ।

२. सेटिङ मेनुमा रहेको जनरल ट्याबमा प्रवेश गरेर क्लिक गर्नुहोस् । विभिन्न विकल्पहरू आउँछन् । त्यहाँ भेटिने अनडु सेन्ड फिचरको अगाडि रहेको कोठामा क्लिक गरेर एक्टिभेट गर्नुहोस् ।

३. तपाईंले कुनै आइडीमा पठाएको इमेललाई अब कति समयमा अनसेन्ड गर्ने भन्ने विकल्पमा १० सेकेन्ड तोकिएको भेट्नुहुनेछ । तर, तपाईंलाई आफ्नो इच्छा अनुकूल ५, १०, २० या ३० सेकेन्डको अवधि छान्न सक्नुहुनेछ ।

४. यो फिचर सुरु गरिसकेपछि अब तपाईंले कसैलाई इमेल गर्नुभयो, तर तत्कालै सच्याउनुपर्ने भयो भने जिमेल विन्डोको माथिपट्टि आउने पहेँलो बाकसमा दिइएको अनडु अप्सनमा क्लिक गर्नुहोस् ।

५. क्लिक गरेपछि सुरुमा इमेल गर्नुअघिको अवस्था अर्थात् कम्पोज इमेल खुल्नेछ । त्यसपछि तपाईंले आफूले पहिले पठाएको इमेल सुधार गरेर पठाउन सक्नुहुन्छ या इमेल नै रद्द गर्न पनि सक्नुहुन्छ ।

ब्याट्रीलाई कतिको अनुपातमा चार्ज गर्नु राम्रो ?

साथीभाइसँग भेट हुँदा मोबाइलको कुरा भयो भने सबैको गुनासो एउटै हुन्छ ‘मेरो मोबाइलको त ब्याट्री नै टिक्दैन ।’ अधिकांश व्यक्ति मोबाइलको ब्याट्री जति चार्ज गरेपनि नटिकेको गुनासो गर्छन् । ब्याट्रीलाई सहि तरिकाले चार्ज गर्नेहो भने समस्या नआउने विज्ञले बताएका छन् । सहि तरिकाले चार्ज गर्ने हो भने ब्याट्री लामो समयसम्म टिक्ने र काम पनि राम्रोसँग गर्ने हुन्छ । मोबाइल फोनको ब्याट्री तीनदेखि पाँच सय पटक चार्ज हुने गरी बनाइने गरेको मोबाइल फोन निर्माता कम्पनीले बताउने गरेका छन् । त्यो भन्दा धेरै पटक चार्ज भएपछि ब्याट्रीको क्षमता घट्न थाल्छ । त्यसपछि ब्याट्रीले चार्जलाई राम्रोसँग स्टोर गर्न सक्दैनन् । ब्याट्रीको चार्ज कहिले पनि शुन्य तथा सय प्रतिशत बनाउन नहुने विज्ञले बताएका छन् । लिथियम आयन ब्याट्रीलाई ४० देखि ८० प्रतिशतको बीचमा चार्ज गरेर राख्दा राम्रो हुने विज्ञको सुझाव छ । यस्तै ब्याट्रीको चार्जलाई २० प्रतिशत भन्दा कम हुन नदिनु सबैभन्दा उत्तम हुन्छ । महिनाको एक पटक मात्रै १०० प्रतिशत चार्ज गर्नु राम्रो हुने एडभाइजरको सुझाव छ । यस्तै ब्याट्री टिकाइ राख्नका लागि जुन पायो त्यही चार्जरले चार्ज नगरेर मोबाइलसँगै पाइने चार्जरनै प्रयोग गर्नु उपयुक्त हुन्छ । लिथियम आयन ब्याट्रीलाई धेरै दिनसम्म चार्ज नगरी राख्न पनि हुँदैन । यती कुरामा ध्यान दिइयो भने मोबाइलको ब्याट्रीले लामो समयसम्म काम गर्ने विज्ञको दाबी छ ।

बदलिँदो तिम्रो मन : गजल

बदलियो तिम्रो त्यो मन मैले बुझ्न सकिन,
छताछुल्ल भो सपना मैले समेट्न सकिन ।

हरकदममा खुशी समेटिएर रहेकै थियो,
तिमले धैर्यता गुमायौ मैले बुझाउन सकिन ।

हेर्दा हेर्दै खुशी लुटियो जिन्दगी टुक्रियो,
ति सबैलाई समेटी आफु खुशी बन्न सकिन ।

साथ टुट्यो मनभरि वेदनाको आँशु पोखियो,
तै पनि यो मनलाई सम्हालेर राख्न सकिन ।

त्यो पल सम्झँदै भट्टी तिर धाउन थाले,
नशामा डुबेर नि तिमलाई भुल्न सकिन ।

यो कस्तो इन्द्रजाल रच्यौ झुठो मायाको,
उम्किएर आफ्नै संसार सजाउन मैले सकिन ।

बदलियो तिम्रो त्यो मन मैले बुझ्न सकिन,
देखेका ति सपनालाई साकार बनाउन सकिनँ ।

How to fix Broken Links and Avoid 404 Errors for Better SEO Result

​​In our lives there has been numerous number of occasions when we’ve got entered a unsuitable deal with on our web browser or mistypes an U...